Майҙа Башҡортостанда ҙур сара үтә

“Бизнес-акселератор Lady007” программаһы “Бәләкәй һәм урта эшҡыуарлыҡ милли проектына ярашлы (национальный проект “Малое и среднее предпринимательство”) уҙғарыласаҡ. 11 марттан 15-енә тиклем төбәктә үткәрелгән Ҡатын-ҡыҙҙар бизнесы аҙналығында ошондай сара ойоштороу тураһына ҡарар ҡабул ителеүе хаҡында хәбәр итә республиканың Эшҡыуарлыҡ һәм туризм министрлығы.

«Бизнес-акселератор Lady007» программаһы май айында үтәсәк.

-Ҡатын-ҡыҙҙар эшҡыуарлығының көсөнә ышанабыҙ һәм уның үҫешенә ярҙам итергә әҙербеҙ. 2023 йылда «Бизнес-акселератор Lady007» сараһында 550 ҡатнашыусы теркәлде. Ун финалсы үҙҙәренең проекттарын “Ҡатын-ҡыҙ бәхете биләмәһе” форумында яҡланы. Был проект быйыл да төбәктең эшҡыуар ҡатын-ҡыҙҙары араһында һорау менән файҙаланылыр. Шулай уҡ үҙҙәренең эшен башлаусыларға ла файҙаға булыр, - тине Республиканың Эшҡыуарлыҡ һәм туризм министры Рөстәм Афзалов.

 Үткән йылдағы һымаҡ уҡытыу онлайн форматта үтәсәк. Ҡатын-ҡыҙҙар һөҙөмтәле бизнес моделдәр, маркетинг трендтары тураһында ғына белеп ҡалмаясаҡ, үҙҙәренең проекттарын презентациялау тәжрибәһен туплаясаҡ. Спикерҙарҙың белеме, тәжрибәһе сарала ҡатнашыусыларға лидерлыҡ һәләттәрен үҫтерергә, үҙҙәренә тура килгән бизнес-модель һайларға ярҙам итәсәк.

 “Бәләкәй һәм урта эшҡыуарлыҡ һәм шәхси эшҡыуарлыҡ башланғыстарына булышлыҡ итеү” милли проектының маҡсаты - бизнесҡа ярҙам итеү. Милли проекттар Рәсәй Президенты ҡарары менән 2019 йылдан тормошҡа ашырыла.

 Фото: Башҡортостан Хөкүмәте сайтынан.

bashgazet.ru