Ишниязов Ғабдулла Ғабдрахман улы 1925 йылдың 23 февралендә Ҡасҡын ауылында тыуған. 1942 йылдың ноябрендә, ун ете йәшлек егет булараҡ, Ҡыҙыл армия сафына алына. Ырымбур өлкәһендә Тоцк хәрби лагерында хәрби әҙерлек үткәндән һуң, 1943 йылда Смоленск фронтына ебәрелә. Хеҙмәтен разведкала башлай. Хеҙмәт итеү осоронда улар бер нисә тапҡыр фронт һыҙығын аша сыға һәм немецтар баҫып алған территорияларҙа була һәм һәр ваҡыт ҡуйылған хәрби бурыстарҙы намыҫ менән үтәй, мәҫәлән, әсирлеккә алынған дошманды беҙҙең территорияға килтереү, һиҙҙермәйенсә күҙәтеү һәм дошман яғында хәрби техника һәм тере көстәрҙең хәрби берәмектәренең составы һәм һаны һәм уларҙың хәрәкәт йүнәлеше тураһында мәғлүмәт йыйы
Беренсе тапҡыр еңелсә яралана һәм 1943 йылдың йәйендә Иваново ҡалаһындағы хәрби госпиталгә оҙатыла, ә һауыҡҡас, Белорус фронтына ебәрелә. Унда ул өлкән пулеметсы вазифаһында була, дегендар «Максим» станок пулеметында дошманды ҡыра. Ул Смоленск, Брянск, Витебск ҡалаларын һәм Белоруссияның күп кенә ауылдарын азат итеүҙә ҡатнаша һәм үҙ күҙҙәре менән күп кенә яндырылған ауылдарҙы һәм тулыһынса тиерлек емерелгән ҡалаларҙы күрә. Ҡаты һуғыштарҙың береһендәге һөжүм ваҡытында, Польша менән сик буйы территорияһында булғанда, аяғы ныҡ ҡына яралана һәм уға бер нисә ай хәрби госпиталдә дауаланырға тура килә.
1944 йылда һаулыҡ торошо буйынса Бөйөк Ватан һуғышы инвалиды булараҡ, хәрби хеҙмәттән бушатыла. 1942 йылдан 1944 йылға ҡәҙәр Бөйөк Ватан һуғышында ҡатнашҡан осорҙа Ғабдулла Ғабдрахман улы «Батырлыҡ өсөн», «Хәрби ҡаҙаныштары өсөн», «Белоруссияны азат иткән өсөн» кеүек хәрби наградалар һәм миҙалдар менән бүләкләнә. Тыныс тормошта фронтовик-яугир хаҡлы ялға сыҡҡансы Мәжит Ғафури исемендәге колхозда эшләй.
Бишбүләк тарихи-этнография музейы сайтынан.
