Башҡорт балы өс миҙал яуланы

«Кәрәҙле бал» категорияһында беренсе урынды — Стәрлетамаҡ районынан умартасы Рөстәм Резбаев, «Үтә асыҡ һары төҫлө ҡатнаш бал» категорияһында икенсе урынды — Бөрйән районынан Кәрим Ғәлин, «Йүкә балы» категорияһында өсөнсө урынды Ишембай районынан умартасы Юрий Анопченко алды. Был хаҡта «Башинформ» агентлығына Төбәк-ара Умартасылар, бал эшкәртеүселәр һәм ғалимдар эшмәкәрлеген координациялау ассоциацияһының вице-президенты Сергей Мөлөков һөйләне.

Күргәҙмәлә 40-тан ашыу илдән өс меңдән күберәк умартасы ҡатнашты. Сергей Мөлөков әйтеүенсә, әгәр «Апимондия»ны донъя чемпионаты менән сағыштырырға мөмкин булһа, «Апиславия» иһә Европа чемпионаты.

Хәтерегеҙгә төшөрәбеҙ, 2021 йылда Башҡортостанда 47-се «Апимондия» халыҡ-ара умартасылыҡ конгресы уҙа.