Октябрҙә республика эшҡыуарҙарын бушлай консультацияларға саҡыралар

Дүшәмбе, 1 октябрҙә көндөҙгө сәғәт 3-тән Социаль өлкәнең инновациялар үҙәге етәксеһе Ирина Абрамова «Социаль эшҡыуарлыҡ: бизнес өсөн яңы өлкәләр» темаһы буйынса консультация үткәрә.

8 октябрҙә сәғәт 3-тә Республика интеллектуаль милекте теркәү үҙәге етәксеһе Андрей Таюсов «Тауар билдәһен теркәү» темаһы буйынса сығыш яһай.

16 октябрҙә сәғәт 3-тә «Өфөлә эшҡыуарлыҡ эшмәкәрлеген алып барыу өсөн ер участкаларын рәсмиләштереү үҙенсәлектәре» темаһы буйынса Башҡортостан эшҡыуарлыҡ ойошмалары ассоциацияһының ерҙән файҙаланыу мәсьәләләре буйынса эксперты Сергей Колодкин консультация бирә.

Консультациялар Өфө, Индустриаль шоссе, 44/1, 6-сы павильон, 6-22-се бүлмә адресы буйынса уҙа, тип хәбәр иттеләр Башҡортостан эшҡыуарлыҡ ойошмалары ассоциацияһының матбуғат хеҙмәтенән.

Алдан теркәлеү өсөн телефондар: (347) 264-62-90, 243-38-37, e-mail: aoprb@mail.ru.