Дим буйҙары
-22 °С
Болотло
75 лет Победы
Бөтә яңылыҡтар
ИҠТИСАД
8 Октябрь 2018, 23:09

Республикала умартасылыҡты үҫтереүгә 614 миллион һум бүлеү күҙаллана

Башҡортостанда 2030 йылға тиклем умартасылыҡты үҫтереүгә ауыл хужалығы тауарҙарын етештереүселәргә дәүләт ярҙамы программаһы буйынса республика ҡаҙнаһынан 614 миллион һум бүлеү күҙаллана

Бал ҡорттары пакетын һатып алыу аша бал ҡорттары ғаиләһе һанын арттырыуға 237,5 миллион һум бүленә. Йыл һайын бал ҡорттары ғаиләһе һаны үҫеше ете меңгә етер тип көтөлә.

Сәнәғәт умарталарын һатып алыуға 244 һум, бал айыртыу буйынса технологик линияларға — 9,1 миллион һум, умартасылыҡ инвентарына — 11,3 миллион һум, тейәү техникаһына 62 миллион һум бүленә.

Умартасылыҡты үҫтереү программаһы буйынса ғилми-тикшеренеү эштәренә 50 миллион һум йүнәлтеү ҡаралған.

Ҙур сәнәғәт умарталыҡтары һаны – 65 берәмеккә тиклем, бал ҡорто ғаиләләре һаны – 460 меңгә ҡәҙәр, ә тауар балы күләме 10 мең тоннаға тиклем артыр тип күҙ уңында тотола. Етештерелгән балдың сифатын тикшереү өсөн заманса лабораториялар асыуға бәйле балды экспортҡа оҙатыу ун тапҡырға – йылына 500 тоннаға тиклем артырға тейеш.