+34 °С
Ясно
ИҠТИСАД
13 Марта 2019, 18:17
Авиабилет хаҡы артҡан
Рәсәйҙә йыл башынан авиабилеттар хаҡы сама менән биш процентҡа артҡан. Мәғлүмәт сараларында билеттар ҡиммәтләнеү тураһында сыҡҡан мәҡәләләрҙе тикшергәс, Монополияға ҡаршы федераль хеҙмәт шундвй һығымтаға килгән. Был турала ТАСС агентлығы хәбәр итә.
“Хаҡтар артыуҙың төп сәбәбе – яғыулыҡ хаҡы артыу һәм ташламалы хаҡтар белән промоакцияләр буйынса авиабилеттар тәҡдим итеү кәмеү”, - тип аңлатҡандар Монополиягә ҡаршы федераль хеҙмәттә.
Матбуғат сараларында авиабилет хаҡтары артыу тураһында түгел, ә “урта чек” хаҡы күтәрелеү тураһында әйтелгән.
“Уртаса чек” хаҡына шулай уҡ пассажирҙар һаны, оса торған ара, кире ҡайтырға билет булыу, өҫтәмә хеҙмәттәр ҙә (ҡунаҡхана броньлау, авто арендаһы, трансфер) йоғонто яһай. Шулай итеп, “уртаса чек” күрһәткесенең күтәрелеүе туристик хеҙмәттәренә ихтыяж артыу тураһында һөйләй.
"tatar-inform".
