Ҡояш энергияһы иҫәбенә эшләй

Дөйөм ҡеүәте 10 МВт тәшкил итеүсе ҡояш генерацияһы Башҡортостандың Бөрйән районында була, тип хәбәр ителә компанияның сайтында.

Бөрйән ҡояш электр станцияһы селтәр менән параллель рәүештә лә, автоном режимда ла эшләй. Шулай итеп, электр станцияһы бөтә районға электр энергияһы бирергә, ә авария йәиһә электр тапшырыу линияһында ремонт эштәрен башҡарыу осрағында автоном режимда дауахаларҙы, мәктәптәрҙе, балалар баҡсаларын электр менән тәьмин итергә тейеш.

Бынан алда компаниялп Бөрйән проектына инвестициялар 800 миллион һамға баһаланды, станцияны 2020 йылда сафҡа керетеү күҙалланды, тип хәбәр итә «Коммерсант-Башҡортостан» баҫмаһы. Һаҡлағыстарҙы иҫәпкә алып, проект 1 миллиард һумға тиклем ҡиммәтләнгән.