Ашарға ла аҡса етмәһә

Смартфон, һыуытҡыс, кер йыуыу машинаһы кеүек әйберҙәр алырға халыҡтың 48 процентының аҡсаһы юҡ. Бигерәк тә йәш һәм пенсионерҙарҙан ғына торған ғаиләләр аҡса юҡлыҡтан интегә.

Кәрәкле көнкүреш техникаһы ватылыу һәм хеҙмәт хаҡы тотҡарланыу был ғаиләләрҙе хәйерселек сигенә килтереп еткерә. Был сикте рәсәйҙәрҙең 15 проценты үткән инде: улар аҙыҡ-түлек алырға саҡ-саҡ еткерә, ә кейем һатып алырға һәм коммуналь хеҙмәттәргә түләргә инде аҡсалары юҡ.

“Росстат” мәғлүмәттәре буйынса, рәсәйҙәрҙең яртыһынан күберәге (55,2 проценты) айына 27 мең һумдан аҙыраҡ аҡса ала, ә һәр дүртенсе кешенең айлыҡ табышы 15 мең һумға ла етмәй.

Шулай ҙа, былтырғы менән сағыштырғанда, эш хаҡынан эш хаҡына йәшәүселәр һаны 49,8 проценттан 48,2 процентҡа тиклем ҡыҫҡарған.