Баш ватаһы эштәр күп әле

Башҡортостанды үҫтереү корпорацияһында республиканың ауыл хужалығы тәьҫирлелеген арттырыу тураһында план ҡоралар.

Бер нисә райондан йыйылған фермерҙар түңәрәк өҫтәл артында тап ошо мәсьәлә буйынса фекер алышты, башҡарма власть һәм закондар сығарыу тармаҡтары вәкилдәре, эксперттар ҙа үҙ һүҙҙәрен еткерҙе. Төп маҡсат – агросәнәғәт комплекстары предприятиелары базаһында ерҙә эшләгәндә ресурстарҙы дөрөҫ бүлеүҙе тәьмин иткән агропарктар булдырыу.

Технологияларҙы ҡулланыуҙан тыш, кеше ҡиммәтенә лә айырыуса ҙур иғтибар бирелә. Аграр өлкәлә эшләүселәрҙең килемен тотороҡло итеү, квалификацияһын күтәреү тураһында ла түңәрәк өҫтәлдә һүҙ барҙы.

ttps://bash.rbsmi.ru/

Читайте нас