Мәктәптәр заманса технология менән йыһазландырыла

Башҡортостандың барлыҡ муниципалитеттарында 63 мәктәпкә яңы уҡыу йылына хаҡы 2,1 миллион һумлыҡ һанлы техника комплекты һатып алына.

Һәр мәктәпкә бер күп функциялы яйланма (принтер, сканер, күсермә яһау аппараты), ике интерактив комплекс, ике иҫәпләү комплексы, уҡытыусылар өсөн ике ноутбук, класс өсөн 30 ноутбук, мәктәп етәкселеге өсөн алты ноутбук бирелә.

Аукцион документтарынан күренеүенсә, техника «Һанлы белем биреү мөхите» республика проекты сиктәрендә федераль, төбәк һәм урындағы бюджеттарҙың аҡсаһына һатып алына.

#национальныепроекты;

#нацпроекты;

#региональныепроекты;

#регпроекты;

#нацпроектыБашкортостан