Путин ипотека ставкаларын кәметеү яҡлы

"Ипотека - тораҡ менән тәьмин итеүҙең мөһим ҡоралы", - тип белдерҙе Владимир Путин. Рәсәй халҡының яҡынса 45 проценты торлаҡ шарттарын яҡшыртырға планлаштыра, тине ул.

Хөкүмәт һәм Үҙәк банкның бурысы - ставканы 8 проценттан да түбәнерәк итеү, тип дауам итте дәүләт башлығы. Был иҡтисад һәм банктар өсөн кредиттар хаҡы менән туранан-тура бәйле. Үҙәк банк хәҙер төп ставканы кәметте һәм ипотека буйынса ставкалар ҙа түбәнәйҙе, тине Президент.

"Йылдың икенсе яртыһында, эксперт баһалауҙары буйынса, ипотека ставкалары 10 проценттан кәмергә тейеш", - тип белдерҙе Путин. Шул уҡ ваҡытта ике балалы ғаиләләр - 6 процент ставка менән ипотека алыу мөмкинлегенә эйә булырға тейеш, ә өсөнсө балаһы булған ғаиләләр быйылдан ипотека кредиты өлөшөн түләү өсөн 450 мең һум алырға мөмкин, тип иҫкәртте ул.

Шәхси торлаҡ төҙөлөшө өсөн дә шундай саралар керетеләсәк, тине дәүләт башлығы.

#ВладимирПутин