Итәк ҡырҡып, ең ялғарға тырышабыҙ шикелле...

Алексей Кудрин был мәсьәләгә яңынан ҡайтырға тәҡдим итте. Уның фекеренсә, пенсияны индексациялау - пенсия йәшен арттырыуға ҡарағанда ғәҙелерәк сара.

Иҫәп палатаһы аудиторы Светлана Орлова пенсияларҙы индексациялауҙы туҡтатыуҙың тәьҫирле булмауын белдерҙе. Пенсия фондының бюджеты тулыландырылмаған, ә эшләп йөрөгән хаҡлы ялдағыларҙың күбеһе хеҙмәт урынын ташлаған.

Ысынлап та хеҙмәттәге пенсионерҙарҙың һаны йылдан-йыл кәмей. Шулай итеп, Пенсия фонды Рәсәй бюджетына бәйлелеген һаҡлаясаҡ әле. 2020 йылда федераль бюджеттан страховка пенсияларын түләүгә ике триллион һумға яҡын аҡса йүнәлтеләсәк.

"Башҡортостан" гәзитенән.