+24 °С
Облачно
ИҠТИСАД
16 Сентября 2019, 07:26
2020 йылда Әсәлек капиталының күләме 3,8 процентҡа артасаҡ
Вице-премьер Татьяна Голикова әйтеүенсә, Әсәлек капиталы йыл һайын арттырыласаҡ һәм 2021 йылға уның күләме 489 мең һумға етәсәк.
«Пенсия фонды бюджетында әсә капиталы программаһын дөйөм финанслау, шул иҫәптән, 2020 йылдың 1 ғинуарынан индексация үткәрү өсөн 325 миллиард һумға яҡын аҡса ҡаралған», -тдип хәбәр ителә.
Т. Голикова һүҙҙәренсә, бирелә торған сертификаттарҙың күләме лә, өлөшләтә сарыф ителгән сертификаттар буйынса ҡалған аҡсалар ҙа индексацияланасаҡ.
Вице-премьер 2018 йылдың сентябрендә белдергәнсә, әсә капиталы йыл һайын арттырыласаҡ һәм 2021 йылға уның күләме 489 мең һумға етәсәк. Индексация күләме Рәсәй иҡтисадының торошона бәйле буласаҡ.
