+17 °С
Облачно
ИҠТИСАД
19 Сентября 2019, 04:36
Кеҫәгеҙ бер аҙ ҡалынайыр
Рәсәй Хеҙмәт министрлығында эш хаҡының минималь күләмен планлы күтәреүҙе хупланылар.
Киләһе йылдың 1 ғинуарынан айлыҡ сумма 12 130 һум тәшкил итәсәк. Был әлегенән 850 һумға күберәк. Хеҙмәткә түләү күләменең үҙгәреүе илдә өс миллиондан ашыу кешегә ҡағыласаҡ.
Башҡортостанда, Урал коэффициентын иҫәпкә алып, минималь эш хаҡы 13 949 һум тәшкил итәсәк. Был суммаға премиялар, башҡа өҫтәмәләр инмәй.
Иҫегеҙгә төшөрәбеҙ, йыл һайын минималь эш хаҡы күләме хеҙмәткә һәләтле йәштәге халыҡтың йәшәү минимумы дәүмәленең 100 проценты нигеҙендә тәғәйенләнә. Ошо килемгә социаль түләүҙәр суммаһы бәйле.
