+15 °С
Облачно
ИҠТИСАД
25 Сентября 2019, 11:27
Өфө өс көнгә ШОС һәм БРИКС үҙәгенә әйләнде
Бөгөн Өфөлә ШОС һәм БРИКС илдәре ҡатнашыусыларының V бәләкәй һәм урта эшҡыуарлыҡ форумының стратегик сессияһы эш башланы. Иртәгә халыҡ-ара сара рәсми рәүештә асыла.
V бәләкәй һәм урта эшҡыуарлыҡ форумында донъяның 30 иленән 2500 вәкил ҡатнашасаҡ. Улар араһында министрлыҡтар һәм ведомстволар хеҙмәткәрҙәре, бизнесмендар, йәмәғәт эшмәкәрҙәре һәм эксперттар бар.
Форум барышында 18 төрлө сара үтәсәк, эш 24 секцияла ойоштороласаҡ. Уларҙа эшҡыуарлыҡ менән бер рәттән тәбиғәтте һаҡлау, медицина, логистика, социаль партнерлыҡ һәм башҡа тармаҡтарға ҡағылышлы мәсьәләләр күтәреләсәк.
