Башҡортостан алға саҡыра!

Сара барышында төбәктең йоғонтоло инвестиция сәйәсәте мәсьәләләре ҡарала. Ойоштороусылары – Башҡортостан Республикаһы Хөкүмәте, республиканың Иҡтисади үҫеш һәм инвестиция сәйәсәте министрлығы, Башҡортостандың Конгресс-бюроһы, “Эшлекле Рәсәй”ҙең Башҡортостан төбәк бүлексәһе, Сауҙа-сәнәғәт палатаһы.

Форумдың пленар ултырышында Башҡортостан Башлығы Радий Хәбиров ҡатнаша, модераторы – билдәле журналист һәм телевизион алып барыусы Владимир Познер. Сара барышында инвестицион килешеүҙәргә ҡул ҡуйыу, Сауҙа-сәнәғәт палатаһы ултырышын үткәреү, секцияларҙың эше ҡаралған. Республиканың “Башҡортостан саҡыра!” тип аталған презентацияһы, Әүҙем инвесторҙар клубының “Алга, Башкирия!” исемле ултырышы – форумдың төп саралары рәтендә.

– Быйыл инвесторҙар менән төбәк етәкселеге араһында коммуникация төҙөү системаһы үҙгәрҙе, – тине республика Хөкүмәте Премьер-министры урынбаҫары-иҡтисади үҫеш һәм инвестиция сәйәсәте министры Рөстәм Моратов. – Ошо форум республиканың инвестиция йылына йомғаҡ яһаясаҡ, күрелгән сараларҙың йоғонтололоғона баһа бирәсәк, киләһе йылға бурыстар билдәләйәсәк.

https://bash.rbsmi.ru