Өфөлә сәнәғәт форумы асылды

Башҡортстандың Бөрйән районында республикалағы иң ҙур ҡояш электр станцияһы эшләй башланы. Уны «Хевел» компанияһы төҙөнө. Гибрид станцияны эшләтеп ебәреү Радий Хәбиров ҡатнашлығында Рәсәй сәнәғәт форумын асыутантанаһында уҙҙы.

- Бына инде 19-сы тапҡыр Өфө һәм Башҡортостан Рәсәй сәнәғәт форумында ҡатнашыусыларҙы сәләмләй. Форум беҙҙең хеҙмәттәшлек, уртаҡ эшебеҙ өсөн артабан нигеҙ булыр тип өмөтләнәбеҙ. Башҡортостан - Рәсәй Федерацияһының динамикалы үҫештәге төбәктәренең береһе. Республика сәнәғәте үҫешендә етди уңыштар күрһәтә, һәм мин беҙгә бер-беребеҙ менән уртаҡлашырырлыҡ нәмәләр бар тип уйлайым. Быйылдан беҙ форум сиктәрендә йыл һайын яңы предприятиелар асасаҡбыҙ. Бөгөн Бөрйән ҡояш электр станцияһы эшләй башлауға старт бирәбеҙ.

Ә Бөрйән халҡы өсөн был электр станциһы - ут булмауҙан ҡоткарыу тигән һүҙ. Уларҙа һәр ваҡыт ут юҡ ине. Бөрйән - сабыйҙар тыуыуы буйынса республикала беренсе урында. Беҙҙең арала шундай мәҙәк тә бар ине бит: был күрһәткес ни өсөн юғары? Сөнки уларҙа даими рәүештә утты һүндерәләр. Хәҙер утты даими рәүештә һүндереп тормаясаҡтар. Бөрйәнлеләр өсөн был, беләһеҙме, тормош уңайлығы, - тине республика етәксеһе Радий Хәбиров.

Фото: "Башинформ" агентлыгы