Башҡортостанда 900 кеше ауыл ипотекаһына ғариза биргән

Өфөнөң "Россельхозбанк" филиалына 2 млрд. һум алыу өсөн, 900 ғариза бирелгән дә инде. Ил буйынса 40 млрд. һумдан ашыу суммаға 20 меңдән артыҡ кеше мөрәжәғәт иткән.

-“Россельхозбанк” ташламалы ауыл ипотекаһы программаһында ҡатнашыусы беренсе банк булды. Күп кенә рәсәйҙәргә әлеге ипотека менән ҡалаларҙан ситтә күсемһеҙ милек һатып алыу отошло буласаҡ, ә ауыл халҡы үҙҙәренең өйҙәрен төҙөкләндерә һәм көнкүрешен яҡшырта аласаҡ. Ауыл территорияларын үҫтереү банк өсөн стратегик бурыс, - тип билдәләп үтте банктың ваҡлап һатыубизнесы департаменты директоры Ольга Шведова.

Россельхозбанк йыллыҡ 3% ставкаһы менән, 21 йәштән 75 йәшкә тиклем ташламалы ауыл ипотекаһын бирә. 25 йылға тиклем бирелә торған кредит суммаһы 100 меңдән 3 млн һумға тиклем Ленинград өлкәһе һәм Алыҫ Көнсығыш федераль округы өсөн – 5 млн һум). Шул уҡ ваҡытта беренсел взнос 10% тан башлана. Ипотека алыусы ауыл территорияларында урынлашҡан ер биләмәһе һатып ала һәм унда подряд килешеүе буйынса йорт төҙөй ала.

"Өмөт" гәзитенән.