Башҡортостанда ипотеканы электрон ысул менән күберәк юллайҙар

Республика Росреестры мәғлүмәттәренә ҡарағанда, 2022 йылдың беренсе кварталында ведомствоға 19,8 мең ғариза килгән. Был былтырғы осор менән сағыштырғанда 5,6 процентҡа күберәк.

Был мөрәжәғәттәрҙең 58 проценты электрон юл менән килгән. Бигерәк тә улар февралдә күп булған (59 процент).

Башҡортостанда “1 көндә электрон ипотека” проекты 2021 йылдан ғәмәлгә ашырыла, тип белдерә Росреестр етәксеһе Петр Клец. Был ысул ипотеканы 24 сәғәттә ҡанунлаштырыу мөмкинлеген бирә. Мөлкәтте электрон юл менән теркәү өсөн документты банк, әгәр ул кредитҡа алынһа, йә йорт һалыусы ойошма бирә ала.

bashkizi.ru