Буралар иген менән тулыр

2022 йылда Башҡортостан аграрийҙары 4 миллион тоннаға яҡын ашлыҡ йыйып алырға ниәтләй, тип белдерҙе республика вице-премьеры — ауыл хужалығы министры Илшат Фәзрахманов хөкүмәттең Республикаға идара итеү үҙәгендә уҙған оператив кәңәшмәһендә.

«Көтөлгән күрһәткестәр былтырғы кимәлдән ике тапҡырға тиерлек күберәк — ул саҡта беҙ 2,2 миллион тонна йыйып алдыҡ. Май бирә торған культуралар буйынса план — 500 мең тоннанан ашыу, шәкәр сөгөлдөрө буйынса иһә 1,3 миллион тонна. Быйыл беҙҙең алда бөтәһе 2 миллион 462 мең гектар самаһы, шул иҫәптән 1 миллион 759 мең гектар иген һәм ҡуҙаҡлы культуралар, шулай уҡ 480 мең гектар техник культуралар йыйыу бурысы тора», — тип билдәләне Илшат Фәзрахманов.

Урып-йыйыу эштәренә 3 960-тан ашыу комбайн йәлеп ителгән, был былтырғыға ҡарағанда 120-гә күберәк, тип өҫтәне министр.

https://www.bashinform.ru