Дим буйҙары
-22 °С
Болотло
75 лет Победы
Бөтә яңылыҡтар
ХӘЛ-ВАҠИҒАЛАР
25 Февраль 2019, 18:28

Наркотиктарҙың законһыҙ әйләнеше өсөн хөкөм ителгән

Бишбүләк төбәк-ара суды Ырымбур өлкәһендә йәшәүсе 40 йәшлек кешегә ҡарата енәйәт эше буйынса хөкөм ҡарары сығарған. Ул РФ Ейнәйәт Кодексының 228-се статьяһының 1 өлөшөндә ҡаралған енәйәт ҡылыуҙа ғәйепле тип табылған.

Судта билдәләнеүенсә, 2018 йылдың авгусында Абдуллин ҡалаһында йәшәүсе шәхси ҡулланыу өсөн Бишбүләк районы биләмәһендә мәк үҫемлеге йыйған.

Енәйәт эше фигуранты наркотик булараҡ иҫәпләнгән үҫемлекте ташыған ваҡытта хоҡуҡ һаҡлау органдары хеҙмәткәрҙәре тарафынан ҡулға алынған.

Енәйәт ҡылыуҙа ғәйепләнеүсе ғәйебен тулыһынса таныған. Элегерәк ул наркотиктарҙың законһыҙ әйләнеше өсөн хөкөм ителгән булған инде.

Суд уны 1 йыл һәм өс айға дөйөм режимлы төҙәтеү колонияһына ирегенән мәхрүм иткән.

Павел Цынаев.

район прокуроры урынбаҫары, 1-се класлы юрист.