Ир кеше үтеп барыусыға бысаҡ менән ташланған

Өфөлә бөгөн, йәғни 17 мартта иртән ике ир юл уртаһында һуғыша башлаған.

Был хәлдең шаһиттары уларҙың бер-береһен туҡмауын видеоға төшөргән. Ниндәйҙер мәлдә берәүһе бысаҡ менән икенсеһенең күкрәгенә бер нисә тапҡыр сәнскән.

Үтеп барыусылар шунда уҡ ҡысҡыра, ярҙамға саҡыра, машиналар сигнал бирә башлаған. Был енәйәтсене ҡурҡытҡан. Ул тиҙ генә ваҡиға урынынан ҡасҡан. Шаһиттар хәбәр итеүенсә, был хәл Пушкин урамындағы шәхси секторҙа булған. Ҡанға батҡан ир юлда ятып ҡалған.

«Башинформ» агентлығы комментарий алыу өсөн хоҡуҡ һаҡлау органдарына мөрәжәғәт итә, ҡорбандың хәле тураһында бер ни ҙә билдәле түгел.

«Башинформ» мәғлүмәт агентлығы

https://www.bashinform.ru/