Ит комбинатында - янғын

Ит етештереү предприятиеһында 84 квадрат метр майҙанлы цехта йылытҡыс материалдарға ут ҡапҡан. Был хаҡта ҡотҡарыу хеҙмәте диспетчерына 13.01 сәғәттә хәбәр ителә. Янғын һүндереүселәр килгәндә, әҙер продукцияны тейәү цехын ут ялмаған була.

Бәлә урынына дүрт һүндереү машинаһы йәлеп ителгән, туғыҙ кеше ҡатнашҡан. Улар бәләнең ныҡ таралыуына юл ҡуймаған. Бәхеткә күрә, эшселәр ҙә, ҡотҡарыусылар ҙа зыян күрмәгән.

Әле янғын сығыу сәбәптәрен Ғәҙәттән тыш хәлдәр министрлығы тәфтишсеһе тикшерә.