+16 °С
Ясно
МӘҘӘНИӘТ
4 Сентября 2018, 08:32
Һайланма әҫәрҙәр
Өфөлә башҡорт шағиры Яҡуп Ҡолмойҙоң 100 йыллығына уның Һайланма әҫәрҙәре донъя күрҙе. Төҙөүсеһе — Миләүшә Ҡолмөхәмәтова.
Китап республика Хөкүмәте булышлығында З.Биишева исемендәге Башҡортостан «Китап» нәшриәтендә баҫылып сыҡты. Баҫмала авторҙың шиғырҙары, сонеттары, поэмалары тупланған. Шағир халыҡ рухының көсөнә, Тыуған иленә, тыуған төйәгенә дан йырлай, йәшәлгән ғүмер, мөхәббәт, мәңгелек ҡиммәттәр хаҡында уйлана.
Танылған композиторҙар Заһир Исмәғилев, Хөсәйен Әхмәтов, Халиҡ Заимов, Рим Хәсәнов, Тәлғәт Шәрипов Яҡуп Ҡолмойҙоң шиғырҙарына 150-нән ашыу йыр яҙған. Йыйынтыҡҡа популяр йырҙарға әүерелгән шиғырҙар ҙа ингән.
Китапты нәшриәттең фирма магазинында һатып алырға мөмкин.
