Етегән» фильмы – Истанбулда Халыҡ-ара төрки кино фестивале ҡатнашыусыһы

«Етегән» музыкаль фильмы милли риүәйәттәр һәм халыҡ йырҙары мотивтары буйынса төшөрөлгән. Картинаның режиссеры — Айсыуаҡ Йомағолов, идея авторы, ҡуйыусы оператор һәм продюсер — Рияз Исхаҡов. Картина нигеҙендә – ете ҡыҙ легендаһы, шулай уҡ ете ҡатын-ҡыҙ яҙмышы күрһәтелгән, улар араһында «Таштуғай», «Алпамыша», «Маһисәрүәр», «Бала ҡарға».

Халыҡ-ара төрки кино фестивале уҙған көндәрҙә Истанбулда башланды, тип хәбәр итте «Татар-информ» хәбәрсеһе Рушания Алтай. Фестивалдә Азербайжандан, Ҡаҙағстандан, Ҡырғыҙстандан, Төркиәнән, Төньяҡ Кипрҙан, Үзбәкстандан эштәр ҡатнаша. Рәсәйҙән Башҡортостан һәм Татарстан картиналары була.