Башҡортостандың мәҙәниәт учреждениелары Сәнғәт төнөнә ҡушыла

Традицион акцияға республика музейҙары, күргәҙмә галереялары, театрҙары, китапханалары һәм клубтары ҡушыла, тип хәбәр иттеләр Башҡортостан Мәҙәниәт министрлығының матбуғат хеҙмәтенән, әле программа төҙөлә. Ҡайһы бер саралар 3 ноябрҙә үк башлана.

Рәсәйҙә 2500-ҙән ашыу сара планлаштырылған, 1500-ҙән ашыу майҙансыҡ йәлеп ителә.

Акцияның программаһында — яҙыусылар, рәссамдар, актерҙар һәм музыканттар менән осрашыуҙар. Ойоштороусылар үҙенсәлекле саралар вәғәҙәләй.

Сәнғәт төнө — йыл дауамында үткәрелгән «мәҙәни төндәр»гә йомғаҡ яһаған мәҙәни-белем биреү акцияһы. Тәүге тапҡыр 2013 йылдың ноябрендә уҙғарылған. Акцияның төп маҡсаты — илдә йәшәүселәргә музейҙарға, театрҙарға, китапханаларға барыу һәм Рәсәй халыҡтарының мәҙәни мираҫы, традициялары менән танышыу мөмкинлеген биреү.