Өфөлә “Янғантау” геопаркы: кисә, бөгөн, иртәгә” фотокүргәҙмәһе асыла.

Күргәҙмә 18 ғинуарҙа Башҡортостан Милли музейында асыласаҡ.

Салауат районында республиканан ситтә киң танылған “Янғантау” шифаханаһы урынлашҡан, “Ҡорғаҙаҡ” минераль һыуын етештереү яйға һалынған, туристик маршруттар ҙа популяр.

2017 йылда республика Хөкүмәте үҙенең күрһәтмәһе менән бында “Янғантау “ геопаркын булдырҙы. Уның майҙаны 1774 квадрат километр тәшкил итә. Парк территорияһында 20-ҙән ашыу геологик объект бар, шуларҙың өсөһө – халыҡ-ара, 10-һы— милли һәм 21-е белем биреү әһәмиятенә эйә.