Фильмда төшөргә саҡыралар

Программа директоры Зөһрә Бураҡаева хәбәр итеүенсә, 5-тән 65 йәшкәсә теләгән һәр кем саҡырыла. Башҡорт, рус, татар, мари, сыуаш телдәрен белеү хуплана. Ҡатнашыу өсөн шиғыр, музыкаль номер йәки театр этюдын әҙерләргә кәрәк.

Фильмдарҙы «Ер һүҙе» кинофорумының ике турында еңеүселәр, Булат Йосопов киномәктәбе тыңлаусылары төшөрә. Улар араһында — актерҙар Илгиз Таһиров, Салауат Юлдашбаев (М.Кәрим исемендәге Милли йәштәр театры), Рафаэль Ғәйнуллин (Салауат башҡорт драма театры), йәш актриса Альбина Фәйзуллина, «Бүреләр» төркөмө лидеры Илшат Абдуллин, шағирә Галарина, шулай уҡ табиптар, уҡытыусылар, юристар. Кастинг Актерҙар йортонда киске сәғәт 5-тә башлана (Пушкин урамы, 94). Яҙылыу өсөн телефон: +7 (917) 372-51-44.