+20 °С
Дождь
МӘҘӘНИӘТ
7 Марта 2019, 07:44
"Республикабыҙ - федератив ҡоролошҡа юл асыусы"
Мәскәүҙең Халыҡ-ара музыка йортонда барған ҙур сарала бихисап абруйлы ҡунаҡ ҡатнаша. Улар үҙҙәренең тәьҫораттары менән ихлас бүлеште.
Зөһрә РӘХМӘТУЛЛИНА, Рәсәй Дәүләт Думаһы депутаты:
– Бөгөнгө сара иҫ киткес матур мөхиттә үтә, юғары кимәлдә ойошторолған. Был шулай булырға тейеш тә, сөнки Башҡортостан – Рәсәйҙә иң тәүге автономиялы республика, илдең федератив ҡоролошона юл асыусы. Шуға күрә республикабыҙҙың 100 йыллыҡ юбилейының тап Мәскәүҙә рәсми рәүештә асылыуы символик мәғәнәгә эйә.
Төбәгебеҙ иҫ киткес бай, көс-ҡеүәте ҙур. Бығаса уны нефть, шифалы бал, бөйөк Салауат Юлаев төйәге тип белһәләр, бөгөнгө саранан һуң күптәр, айырыуса мәскәүҙәр, уны үҙе өсөн өр-яңынан асыр тип ышанам.
"Башҡортостан" гәзитенән.
