Моратова Айгөл Динислам ҡыҙы 1972 йылдың 26 июлендә тыуған. 1995 йылда Мәскәүҙә М.Горький исемендәге Әҙәбиәт институтын, 2012 йылда Башҡортостан дәүләт хеҙмәте һәм идара итеү академияһын тамамлаған. Бөтә донъя башҡорттары ҡоролтайы Башҡарма комитеты ағзаһы. Башҡортостан Мәҙәниәт министрлығының почет грамотаһы менән бүләкләнгән. 2019 йылда Рәсәйҙең Йәмәғәт палатаһы ағзаһы итеп һайланған.