Радик Юлъяҡшин арынымы?..

Һуңғы биш йылда көсөргәнешле графикта гастролдәрҙә йөрөгән артист “Бәйләнештә” социаль селтәрендәге үҙенең сәхифәһендә 14 йыл милли эстрадала булыуы, яңы проекттарға һулыш өрәсәк Элвин Грей лейблын булдырыуы тураһында яҙып, артабан продюсер сифатында эшләйәсәген һәм Рәсәй сәхнәһен яулауҙы дауам итәсәген белдергән.

Был маҡсатта Радик киләһе йылда тулыһынса Мәскәүгә күсеп, яңы юҫыҡта эшләргә йыйына. Әлегә Өфөлә һәм Ҡазанда юбилей концерттарын уҙғарасаҡ. Быйыл уларҙан тыш башҡа сығыштар булмаясаҡ.

Юҡ, яҡташыбыҙ сәхнәнән бөтөнләй китмәйәсәк. Артабан да ижади эшмәкәрлеге дауам итәсәк, тик башҡасараҡ юҫыҡта һәм кимәлдә. Был хаҡта ул һуңғараҡ хәбәр итәсәк.