Милли музейҙа - «Яратҡан ҡалам» күргәҙмәһе .

Күргәҙмәлә И.И. Урядов, В.С. Сыромятников, В.Э. Меос, А.Г. Королевский, А.Д. Бурзянцев кеүек ҡылҡәләм оҫталарының эштәре аша баш ҡалабыҙҙың төрлө дәүерҙәрҙәге йөҙө сағыла. Шулай уҡ Б.М. Пискунов, Н.А. Протопоповтарҙың һирәк эштәре урын алған.

Өфөнөң йөҙө быуатлап түгел, унйыллыҡтар, йылдар эсендә үҙгәрә. Уҙған быуаттың 90-сы йылдарындағы ҡайһы бер урындарҙы хәҙер бары тик рәсемдәрҙә, фотоларҙа ғына күреп була.