Милли китапхана һәм Халыҡтар дуҫлығы йорто директорҙары тәғәйенләнде

Ул – быға тиклем «Башҡортостан» дәүләт концерт залы директоры урынбаҫары булып эшләгән Ураҡсин Юлдаш Зиннур улы. Хәтерегеҙгә төшөрәбеҙ, 2019 йылдың апреленә тиклем китапханаға Айгөл Моратова етәкселек итте, хәҙер ул – «Торатау» конгресс-холы етәксеһе.

Башҡортостандың Халыҡтар дуҫлығы йортон директоры итеп Солтанморатов Илгиз Замфир улы тәғәйенләнде. Ул Башҡортостан Республикаһының Фәндәр академияһы Гуманитар тикшеренеүҙәр институты директорының фән буйынса урынбаҫары, директор вазифаһын башҡарыусы, Республика халыҡ ижады үҙәгендә әйҙәүсе методист булып эшләгән. Йәш ғалимдарға республика дәүләт премияһы лауреаты, социология фәндәре кандидаты.

Мостай Кәрим исемендәге Милли йәштәр театры директоры итеп Мөхәмәтйәнов Рәфис Гәрәй улы раҫланды. Сәйетов Алмаз Рәсих улы иһә Башҡортостан Республикаһының Фәйзи Ғәскәров исемендәге дәүләт академия халыҡ бейеүҙәре ансамбле директоры.

Башҡортостан Республикаһының Мәҙәниәт министрлығы ҡарамағындағы дәүләт учреждениелары етәкселәре вазифаларын биләүгә конкурс 1 һәм 2 августа уҙҙы. Уларҙың һөҙөмтәләренә ярашлы, әлеге ваҡытта эшләп йөрөгән театр-концерт учреждение директорҙарының күбеһе йәнә үҙ вазифаларына раҫланды.

http://www.bashinform.ru/