Баш ҡаланы гөрләтеп ҡайттылар

Программаның эшлекле өлөшө бай булды. Улар араһынан иғтибарға лайыҡ ваҡиға – Мәскәүҙә Башҡорт мәҙәни үҙәге асылды. Бөтә донъя башҡорттары ҡоролтайы­ның Президиум рәйесе Эльвира Айытҡолова ойошма исеменән “Алтын ай” Мәскәү коллективына башҡорт милли сәхнә костюмдарын бүләк итте.

Башҡорт мәҙәни үҙәге рәйесе Радмир Мөфтәхин билдәләүенсә, бөгөн Мәскәүҙә 14 ижади коллектив эшләй. Әлеге ғәмәл милли мәҙәниәтте төбәктән ситтә лә һаҡларға, үҫтерергә ярҙам итәсәк. Үҙәк теләгән һәр кем өсөн төрлө яҡлап үҫеште күҙ уңында тотҡан күп функциялы майҙанға әйләнәсәк. Унда бар кеше ҡыҙыҡһыныуы, ихтыяжы буйынса шөғөл табасаҡ.

https://bash.rbsmi.ru