Архитектура ҡомартҡыһын ватҡан өсөн 25 миллион һум штраф!

БР-ҙың Юғары суды мәҙәни мираҫты — Нехаев урамында урынлашҡан “Оҫтаханалы йорт”то юҡҡа сығарған Финат Ниғмәтовҡа ҡарата язаны үҙ көсөндә ҡалдырҙы.

Иҫегеҙгә төшөрәбеҙ, Өфөнөң Ленин суды архитектура ҡомартҡыһын тергеҙеү һәм ғилми-проект документацияһын төҙөү өсөн вандалға 25 миллион һум түләргә ҡушҡайны. Бынан тыш, Юғары суд ғәйепләнеүсегә 40 мең һум штраф өҫтәп сәпәгән.

Сама менән XIX быуат аҙағы – XX быуат башында төҙөлгән "Оҫтаханалы йорт"тоң хужаһы Финат Ниғмәтов өй урынында медицина клиникаһын төҙөргә теләгән. Ә Мәҙәни мираҫ объекттарын дәүләт һаҡлауы идаралығы боронғо бинаны ватырға рөхсәт бирмәгән.

Ниғмәтов, бинаның дәүләт һаҡлауы статусы барлығын белмәнем, тип аҡланған.

"Йәшлек" гәзитенән.