Ғаилә мәҙәниәт үҙәге асылды

Миәкә районының Ҡырғыҙ-Миәкә ауылында Рәсәй Федерацияһы Президенты Владимир Путиндың май указдарына ярашлы раҫланған “Мәҙәниәт” милли проекты сиктәрендә ремонтланған Мәҙәниәт һарайы асылды.

Республиканың Мәҙәниәт министрлығының мәғлүмәт хеҙмәте хәбәр итеүенсә, учреждениеның төп бурысы – ғаилә традицияларын үҫтереү, кешеләрҙең ижади һәм социаль әүҙемлегенә булышлыҡ итеү.

– Үҙәктә ғаиләнең бар ағзаларына ла бер юлы мәҙәни-мәғариф хеҙмәттәр күрһәтелә, – ти ведомствоның мәғлүмәт хеҙмәте. – Улар өсөн бөтә шарттар ҙа булдырылған: балалар уйын бүлмәһе, психолог, логопед, дефектолог кабинеттары бар. Теләгәндәр тренажер залында шөғөлләнә ала, кино яратыусылар өсөн мини 3D кинозал эшләй. Киләсәктә республикала Ғаилә үҙәктәренең эше йәнләндереләсәк.

#национальныепроекты#нацпроекты

#региональныепроекты#регпроекты#нацпроектыБашкортостан