Моделле китапханалар булдырыу өсөн конкурс башлана

“Мәҙәниәт” милли проекты сиктәрендә моделле китапханалар булдырыу дауам итә. Киләһе йылда муниципаль моделле китапхана булдырыу өсөн һайлап алыу конкурсына ғаризаны 23 марттан алып 9 апрелгә тиклем тапшырырға кәрәк.

Үткән йылда Рәсәйҙең 78 төбәгенән 500 ғариза ҡабул ителгән. Улар араһынан 110 китапхана еңеүсе тип табылған. Һөҙөмтәлә Башҡортостанда Благовар, Дүртөйлө, Туймазы райондарында өс моделле китапхана эш башлаясаҡ. Уларҙы булдырыу өсөн федераль бюджеттан 20 миллион һум аҡса бүленәсәк.

Был проекттың маҡсаты – күрһәткән хеҙмәттең сифатын күтәреү, китапханаларҙың фондын арттырыу, интернетҡа сығыу мөмкинлеген тәьмин итеү, заманса китапханалар селтәре булдырыу. Уҡыусыларҙың заманса фәнни һәм нәфис әҙәбиәт өлгөләре, һанлаштырылған матбуғат саралары менән танышыу мөмкинлеге артасаҡ. Шулай уҡ моделле китапханаларҙа түңәрәктәр, консультация пункттары, бәхәс клубтары эшләйәсәк, мәҙәни-ағартыу саралары үтәсәк.

Фото: artviolin.ru

#нацпроекты #милли проекттар

Читайте нас:

Телефон

8(34743) 2-11-92

Адресы

452040, РБ, Бижбулякский район, с.Бижбуляк, ул. Советская, 31

Реклама хеҙмәте

8(34743) 2-12-83

Редакция

8(34743) 2-11-92

Ҡабул итеү бүлмәһе

8(34743) 2-12-82

Кадрҙар бүлеге

8(34743) 2-12-83