“Нуриев көндәре” уҙасаҡ

17 мартта Өфөлә, мәшһүр бейеүсе Рудольф Нуриевтың тыуған көнөндә «Нуриев көндәре» проекты тормошҡа ашырыла.

Әлеге проектты асыу хоҡуғы Башҡорт хореография колледжына бирелгән. Колледж утыҙ йылдан ашыу ошо легендар бейеүсенең исемен йөрөтә.

Проект планы буйынса, «Нуриев көндәре» «Нисек балерина булырға» тигән мауыҡтырғыс бер актлы балет менән башланып китәсәк.

Концерт аҙағында студенттар Санкт-Петербург балетмейстеры Александр Полубенцевтың «В честь танца» тигән постановкаһын тәҡдим итәсәк. Әлеге номер бөйөк бейеүсе Рудольф Нуриевҡа хөрмәт йөҙөннән башҡарыласаҡ.