+1 °С
Ҡар
Башҡортостан ҡала-райондарында баҡсасылар өсөн 700-гә яҡын яңы сауҙа урынын ойоштороу күҙаллана, тип хәбәр итте республика хөкүмәте.
Республика башлығы Радий Хәбиров халыҡ баҡса участкаһында үҫтерелгәнде һата алһын өсөн мөмкин тиклем күберәк стационар булмаған пункттар эшләргә ҡушты. Шулай уҡ республиканың 44 районы аграрийҙары сәсеү кампанияһына әүҙем ҡушылды, келәттәрҙә етерлек аҙыҡ-түлек запасы бар.
Хәтерегеҙгә төшөрәйек, ҡатмарлы иҡтисади хәлгә бәйле быйыл баҡсасылар өсөн сауҙа буйынса ташламалар яһалды. Өфө мэрияһы баҡсасылар үҙҙәренең продукцияһын һата алған адрестарҙың тулы исемлеген тәҡдим иткәйне.