Контейнерҙар көнкүреш сүп-сарын йыйыу өсөн генә билдәләнгән. Бының иҫәбенә ҡағыҙ, ҡатырға, тире, резина, целлофан, пластмасса, быяла, йәғни көнкүреш барышында барлыкка килгән ҡалдыҡтар инә.
Төҙөлөш сүп-сарын, телевизор, өҫтәл, иҫке урындыҡ, диван, кресло кеүек әйберҙәрҙе, аҙыҡ - түлек һәм үҫемлек ҡалдыҡтарын, бигерәк тә ҙур ағас ботаҡтары, ҡыуаҡ ҡалдыҡтарын килтереп ташлау тыйыла.
Сүп-сар полиэтилен пакеттарға төрөлгән булырға тейеш. Ватыҡ быяла, быяла һауыт-һаба, консерв банкаларын да контейнерға ташлар алдынан яҡшылап төрөргә кәрәк.
Ҡыҙғанысҡа ҡаршы, тәртипте һанға һуҡмаусылар етерлек. Контейнер майҙансыҡтарында өй йыһаздары ҡалдыҡтпрын да, ағас ботаҡтары, хатта бесән ҡалдыҡтарын да күрергә мөмкин.
Сүп-сар менән эш итеү тәртибен боҙған граждандарға биш мең һум күләмендә штраф янай.