Иң яҡшы контейнер – Бәләбәйҙеке

Өфөлә уҙған «Башҡортостандың иң яҡшы тауарҙары–2022» республика конкурсында «Бәләбәй ҡалаһының «Автодеталь предприятиеһы» йәмғиәте еңеү яулаған.

Ул «Халыҡ өсөн сәнәғәт тауарҙары» номинацияһында билдәләнгән.

Быйыл «Башҡортостандың иң яҡшы 100 тауары» тигән юғары исемде төбәктең 67 предприятиеһынан 110 төр продукция һәм хеҙмәттәр алған. Айырып әйткәндә, Автодеталдең келәт һәм сауҙа биналарында ҡулланылған контейнеры. Ул еңел, селтәрле, уңайлы, стандарт европаллетҡа ҡуйыла.

Был тауар предприятиела Рәсәй өсөн генә түгел, яҡын сит илдәр өсөн дә етештерелә.

https://belizv-bash.ru