Дим буйҙары
+12 °С
Болотло
75 лет Победы
Бөтә яңылыҡтар
Новости
9 Июнь , 14:21

Артыҡ дымлылыҡ йортҡа зыян

Ул күпселек кирбес йортта була. Шулай уҡ төҙөлөш үҙенсәлегенә лә ҡарай: нигеҙе бейекме, һаҙмат урында ултырғанмы, ер аҫты йылғаһы үтмәйме һәм башҡалар. Артыҡ дым стеналарҙа, түшәмдә, иҙән мөйөштәрендә ҡарағусҡыл күк төҫ барлыҡҡа килтерә, йәғни күгәртә.

Артыҡ дымлылыҡ йортҡа зыян
Артыҡ дымлылыҡ йортҡа зыян
Тәү сиратта шуны белергә кәрәк: өйҙәге дым аҫтан менә. Күп ҡатлы йорттоң – тәүге­һендә, бер ҡатлыһының подвалында йәки иҙән аҫтында үтәләй һауа йөрөү мөмкинлеге булырға тейеш. Әгәр ул мөмкинлек юҡ икән, аҫтағы барлыҡ дым өйгә күсә. Шуға күрә йорттоң ер өҫтөндә билдәле бер бейеклектә тороуы, аҫтындағы майҙандың елләнеү мөмкинлеге булыу шарт. Өй дымланһа, иң тәүҙә иҙән аҫтын ҡарарға кәрәк. Дым булһа, ел үтһен өсөн бер нисә урындан тишектәр эшләү, иҙәнде еүешлектән һаҡлау сараларын күреү зарур. Ҡайһы ваҡыт өй тирәләй ҡаҙылған һәм ваҡ таштар һалынған тар соҡорҙар ҙа ярҙам итә.
Ғәҙәттә, баҡса йорттары өсөн рубероид йәйеп ҡалдырылған ике ҡат иҙән дә етә. Ә таш йәки кирбес йорттарҙа, шулай уҡ балсыҡ менән һыланған ағас биналарҙа дым тәьҫиренән һаҡлау юлдары еренә еткереп башҡарылырға тейеш. Башта – ялған иҙән (фальшпол), өҫтөнә – ыҫмалалы балауыҙ ҡатламы, иң аҙаҡ ҡына иҙән һалына. Шулай уҡ цемент иҙмәһе йәйеп, тигеҙләгәс, артыҡ дымдан һаҡлай торған махсус ҡатышма һылана. Уның өҫтөнә генә иҙән йәйәләр. Былай эшләү ҡиммәткә төшә, әлбиттә. Шулай ҙа, йорт һалған ерегеҙ артыҡ дымлы булһа, баштан уҡ төҙөлөш эштәрен еренә еткереп башҡарығыҙ.

Күгәргән түшәм һәм стеналар интерьерҙы боҙа, шулай уҡ һаулыҡҡа ла зыянлы. Унан ҡотолоу ысулдары ла бар:

- 3%-лы быяла таҙартҡыс һауытына перекись водороды һалып, күгәргән урындарға һиптертергә мөмкин.  

-  розмарин һәм лаванда, сәй ағасының майы (масло чайного дерева) - ошо ябай ысул стеналағы бәшмәктән арынырға булышлыҡ итә һәм уларҙың ҡабат барлыҡҡа килеүен киҫәтә. Бер балғалаҡ сәй ағасының майын 200 мл таҙа һыу менән яҡшылап бутарға һәм күгәргән урынға һиптерергә. Һуңынан был ерҙе ҡоро сепрәк менән һөртөп алырға. 
- быяла таҙартҡыс һауытына һеркә (уксус) һалырға һәм күгәргән стенаға һиптерергә, уны бер сәғәткә ҡалдырырға. Һуңынан таҙа һыу менән йыуырға. Бер нисә сәғәттән һеркә еҫе бөтәсәк.
- бер нисә лимондың һутын һығып, күгәргән ергә һөртөргә һәм 5 минутҡа ҡалдырырға, һуңынын еүеш сепрәк менән һөртөп алырға.
-  0,5 литр һыуға ярты ҡалаҡ сода һалып, һиптергес менән күгәргән урынға ошо шыйыҡлыҡты һиптерергә, күк таптарҙы щетка ярҙамында таҙартырға һәм һыу менән сайҡатырға. Артабан ҡабат содалы раствор һиптерергә һәм кибергә ҡалдырырға. Был ысул бинаны ҡабат үңәҙләнеүҙән һаҡлай.

https://ye102.ru
Артыҡ дымлылыҡ йортҡа зыян
Артыҡ дымлылыҡ йортҡа зыян
Автор:
Читайте нас в