Һыуҙа батыусылар артҡандан-арта

Йәйге эҫе көндәр тороу сәбәпле, күптәр һыу буйында ял итә. Кисә генә батып барған ете кешене ҡотҡарғандар. Ә ярҙамға килеп өлгөрмәү осраҡтары күпме?..

Был һыу инеү миҙгелендә һыуға батып барыусы 40 кеше ҡотҡарылған. Кисә генә ете кешене һыуҙан сығара алғандар.

Әйткәндәй, быйыл йыл башынан һыуҙа бөтәһе 72 кеше үлгән. Шулар араһында - биш бала.

Һыуға батып үлеү осраҡтарының һәммәһе лә һыу инергә рөхсәт булмаған ерҙә теркәлгән. Кеше ниңә күрә-тора хәүефле урында һыу инә?

Башҡортостан буйынса МЧС тағы бер тапҡыр иҫкәртә: рәсми пляждарҙа ғына һыу инегеҙ! Һәм һәр ваҡыт уяу булығыҙ! Бигерәк тә балаларҙы күҙҙән ысҡындырмағыҙ!

Фото: kubnews.ru

ye102.ru