Мәктәптә финанс грамоталығына уҡытасаҡтар

Федераль дәүләт мәғариф стандарттарын яңыртыу - Рәсәйҙең Мәғариф һәм фән, Финанс министрлыҡтары, шулай уҡ Рәсәй банкының уртаҡ эше һөҙөмтәһе, улар финанс грамоталылығын мәғариф стандарттарына индерергә тәҡдим итте. Финанс грамоталылығын уҡыусылар беренсе кластан уҡ өйрәнә башлаясаҡ һәм 9-сы класҡа ҡәҙәр үҙләштерәсәк.
Шул ук исемдәге айырым предмет барлыҡҡа килмәйәсәк. Белем элементтары башҡа мәжбүри дөйөм белем биреү предметтарына интеграцияланасаҡ. Мәҫәлән, башланғыс кластарҙа төп төшөнсәләрҙе - «Математика» һәм «Әйләнә-тирә донъя» дәрестәрендә, ә 5-9 кластарҙа «Йәмғиәт белеме», «Математика», «География» һәм «Информатика» дәрестәрендә өйрәнәсәктәр. Был фәндәр буйынса дәрестәр, йәки сәғәттәр һаны артмаясаҡ.
Рәсәй Банкы 70-тән ашыу дәрес сценарийын эшләгән, улар финанс белемдәрен төп мәктәп предметтарына индерергә мөмкинлек бирәсәк. Улар Рәсәй Мәғариф һәм фән министрлығының «Минең мәктәп» белем биреү платформаһында баҫыла, ул - уҡытыусыларға методик ярҙам күрһәтеү һәм илдең төрлө төбәктәренән килгән уҡыусыларҙы һанлы уҡытыу материалдары менән тәьмин итеү өсөн ресурс.
Сценарийҙарҙа мәжбүри фәндәрҙе уҡытыуҙа финанс грамоталылығы буйынса белемдәрҙе нисек керетеү, фекер алышыу һәм тормош хәлдәре тураһында фекер алышыу өсөн һорауҙар бар. Әйтәйек, йәмғиәт белеме дәрестәрендә страховка һәм банк түләүҙәре варианттарын ҡарау тәҡдим ителә. Математика буйынса һалымдарҙы иҫәпләргә һәм шәхси финанс планын төҙөргә мөмкин. Бынан тыш, уҡыусылар мошенниктарҙың схемаларын асыҡларға өйрәнәсәк һәм уларға нисек ҡаршы торорға кәрәклеген аңлаясаҡ.
Һанлы сервистар һәм шәхси мәғлүмәттәрҙе һаҡлау ысулдары айырым тема буласаҡ. Бынан тыш, уҡыусылар ябай формалар һәм документтар — ғариза, мөрәжәғәттәр, декларациялар төҙөргә һәм тултырырға өйрәнәсәк.

Фото: Башҡортостан Хөкүмәте

kiziltan.ru