Башҡортостанға етем балалар килде

Бөгөн Донецк Халыҡ Республикаһынан 32 етем бала ҡабул ителде. Уларҙы Бала хоҡуҡтары буйынса вәкил Ольга Панчихина оҙатып килде.

Бынан алда 7-14 йәшлек 17 ҡыҙ һәм 15 малай Донецк ҡалаһының 1-се мәктәп-интернатында йәшәгән. Хәҙер уларҙы Учалы, Күмертау һәм Күгәрсен райондарындағы Ғаиләлә балаларҙы тәрбиәләүгә булышлыҡ итеү үҙәктәрендә көтәләр.

Үҙәктәрҙә балалар өсөн тейешле шарттар булдырылған. Бер туғандарҙы бер-береһенән айырмаясаҡтар. Документтарын рәсмиләштергәс, балаларға яңы ғаилә эҙләйәсәктәр.

Тиҙҙән республикаға тағы ла ун бала килтереләсәк.

Фото: mintrud.bashkortostan.ru

ye102.ru