Илдә өлөшләтә мобилизация ҡасан тамамланыр?

Ил башлығы белдереүенсә, илдә өлөшләтә мобилизация алдағы ике аҙнала тамамланасаҡ. Был хаҡта Рәсәй Президенты Астанала уҙған матбуғат конференцияһында әйтте.

Дәүләт башлығы һүҙҙәренә ҡарағанда, бөгөнгө көндә махсус операцияла ҡатнашыу өсөн 222 мең кеше саҡырылған. 33 меңе мобилизация бүлексәләрҙә, 16 меңе һуғышсан бурыстарын үтәй.

Оборона министрлығынан мобилизация буйынса бер ниндәй яңы тәҡдим дә килмәгән һәм планлаштырылмай ҙа.

"Мобилизация буйынса бер ниндәй өҫтәмә саралар ҙа күҙалланмай. Улар кәрәк түгел. Ике аҙна эсендә барлыҡ мобилизацион саралар ҙа теүәлләнер тип уйлайым", - тип белдерҙе Путин.

Фото: башинформ

kiziltan.ru