+30 °С
Болотло
Новости
22 Октябрь 2022, 07:42
Корейса кәбеҫтә салаты
Бының өсөн 2 уртаса ҙурлыҡтағы кәбеҫтә, 3-4 уртаса ҙурлыҡтағы кишер, 2 баш һарымһаҡ, 10 әсе борос ҡуҙағы алына.
Корейса кәбеҫтә салаты
Тоҙлама: 4 литр һыуға 8 аш ҡалағы тоҙ, 8 аш ҡалағы аш һеркәһе, 20 аш ҡалағы шәкәр.
Кәбеҫтәне йәтеш кенә шаҡмаҡтарға бүлеп турайбыҙ, кишерҙе ҡырғыстан үткәрәбеҙ, һарымһаҡ менән боросто турайбыҙ (үтә ныҡ ваҡламайбыҙ). Бар йәшелсәләрҙе ҡатлап һалып сығабыҙ. Тоҙлама ҡайнап сыҡҡас та кәбеҫтәнең өҫтөнә ҡоябыҙ. Ике көн уны баҫтырып ҡуябыҙ ҙа әҙер кәбеҫтәне банкаларға тултырып, өҫтөнә сығырлыҡ тоҙлама ҡойоп, һыуытҡысҡа ултыртабыҙ.
Ашығыҙ тәмле, өҫтәлегеҙ йәмле булһын!
