-150-160 г Ит
-16 г һары май
-15 г Томат пастаһы
-50 г Тоҙло ҡыяр
-150 г Бәрәңге
-35 г Башлы һуған
-35 г Кишер
-һарымһаҡ
-Тоҙ
-Борос
Эш барышы:
Һыйыр, һарыҡ йә иһә йәш ат итенең һөйәкһеҙ йомшаҡ ерен 2 см киңлектә һәм 4 см оҙонлоҡта турайҙар ҙа ҡыҙған майлы табала һәйбәтләп ҡыҙҙыралар. Ҡыҙҙырылған ит киҫәктәрен кәстрүлгә тултырып, тоҙ, борос һибәләр, турап ҡыҙҙырылған һуған, һурпа, бер ҡашыҡ томат пастаһы йә иһә киҫкеләп ҡыҙыл помидор өҫтәйҙәр һәм 30-40 минут томалап бешерәләр.Эре генә йә иһә шаҡмаҡлап турап, бешер-бешмәҫ итеп айырым ҡыҙҙырылған бәрәңгене кәстрүлдәге ит янына һалып, ҡабығы әрселгән һәм эсе таҙартылған, телемләп туралған һәм бешереп алған тоҙло ҡыяр өҫтәп, һүрән утта томалап бешерәләр.🔸️ Әҙер азуҙы һәйбәтләп болғатҡас, тәрилкәләргә бүләләр ҙә өҫтөнә йәшел тәмләткестәр, туралған һарымһаҡ һибәләр һәм табынға сығаралар.
Аштарығыҙ тәмле булһын!
