Ял көндәрендә һауа торошо нисек булыр?

Ял көндәрендә һауа температураһы аяҙытҡанда 23 градусҡаса түбәнәйә, тип хәбәр итте республика синоптиктары.

Башгидромет мәғлүмәттәре буйынса, бөгөн, 25 ноябрҙә, республикала көндөң аяҙлы-болотло булыуы көтөлә. Урыны менән бер аҙ ҡар яуа. Айырым райондарҙа боҙлауыҡ, ҡар һырынтылары. Ел төньяҡ-көнсығыштан секундына 2-7 метр. Һауа температураһы көндөҙ -2, -7, төньяҡта -12 градус.

Шәмбе, 26 ноябрҙә, урыны менән бер аҙ ҡар яуа. Ел көнсығыштан, көньяҡ-көнсығыштан талғын. Һауа температураһы төндә -10, -15 градус, аяҙытҡанда -18, -23. Көндөҙ -6, -11 градус, Башҡортостандың көнсығышында 16 градусҡаса һалҡын.

Йәкшәмбе, 27 ноябрҙә, һауа торошо әллә ни үҙгәрмәй. Урыны менән бер аҙ ҡар яуасаҡ. Ел көнсығыштан, көньяҡ-көнсығыштан талғын. Һауа температураһы төндә -10, -15 градус, аяҙытҡанда -18, -23. Көндөҙ -6, -11, көнсығышта -16 градус.

shonkar.com