Башҡортостан Дәүләт Йыйылышы - Ҡоролтайға депутаттар һайланды

«Берҙәм Рәсәй» — 79, «КПРФ» — 15, ЛДПР — 7, «Ғәҙел Рәсәй» — 5, «Рәсәй патриоттары» — 2, «Йәшелдәр» — 1. Төбәк парламентына Сәнәғәт округынан үҙ-үҙен күрһәткән Айрат Кәримов үтте. Һайлауҙың яҡынса һөҙөмтәләрен брифингта Башҡортостан Үҙәк һайлау комиссияһы башлығы Хәйҙәр Вәлиев иғлан итте. Һайлау булды тип танылды.

Дәүләт Йыйылышына һайлауҙа халыҡтың 49,08% ҡатнашты, ҡала округтарында — уртаса 40,57%, ауыл ерендә — 61,91%. Өфөлә иһә һайлаусыларҙың 29,44% тауыш бирҙе.

Башҡортостанда 9 сентябрҙә Башҡортостан Республикаһы Дәүләт Йыйылышы — Ҡоролтайға һәм урындағы үҙидараның вәкиллекле органдары депутаттарын һайлау уҙҙы. Республикала Берҙәм тауыш биреү көнөндә — йәкшәмбе, 9 сентябрҙә, 22 һайлау кампанияһы үтте. 147 мандат алмаштырылды.